പ്രണയം

പ്രണയം , ഇതുവരെ കണ്ടും കേട്ടും മാത്രമുള്ള ഒരനുഭവം

എന്തെന്നറിയില്ല ഗല്‍ഫില്‍ വന്നതിനു ശേഷമാണെന്നു തോന്നുന്നു ഒന്നു പ്രണയിച്ചാല്‍ കൊള്ളാമെന്ന ചിന്ത മനസ്സില്‍ കടന്നു കൂടിയത് (ഇതുവരെ പ്രണയിക്കാത്തതിന്റെ നഷ്ടബോധവും)........ ഈ മണലാരണ്യത്തിലെ ഏകാന്തതയില്‍ ആര്‍ക്കും പ്രണയം തോന്നി പോകാം, നമ്മുടെ നാടിനോട്, വീടിനോട് ............

പഠിക്കുന്ന സമയത്തുള്ള കൂട്ടുകാരന്റെ പ്രണയത്തിന് എന്തെന്നില്ലാത്ത മാധുര്യമുണ്ടായിരിന്നു. ഒഴിവുസമയങളില്‍ പരസ്പരം ഒന്നും മിണ്ടാതെ കുറെ നേരം ഇരിക്കുന്നത് കാണാം . ഇവര്‍ക്കെന്താ പിരാന്താണൊ എന്ന് ചിന്തിച്ചുപോ‍യിരുന്നു.. മൌനം വാചാലമാകുന്നു എന്നൊക്കെ പറയുന്നത് ഈ പ്രണയാവസ്തയിലായിരിക്കാം.. അതിന്റെ വൈകാരികത മനസ്സിലാക്കിയത്, അത് ഒരിക്കലും ശുഭ പര്യവസായി ആയിരിക്കില്ല എന്നറിഞ് അവര്‍ പിന്മാ‍റിയപ്പോള്‍ അവന്റെ രാത്രിയിലുള്ള തേങലുകള്‍ക്ക് അറിയാതെ ചെവികൊടുത്തപ്പോഴാണ് .

ഈയിടെ ടി.വി കൂടുതല്‍ കണ്ടു തുടങിയിരിക്കുന്നു.അതിനനുസരിച്ഛ് പ്രേമിക്കാനുള്ള അഭിനിവേശവും..
ഓരോ അനുഭവങള്‍ കാണുബോഴും അറിയുബോഴും ആ മഹത്തായ അനുഭൂതി നുകരാന്‍ ഒരു എളിയ മോഹം...

ഈയടുത്ത് എവിടെയോ വായിച്ചു പ്രണയത്തിന് കാരണമാകുന്നത് ഫിനൈല്‍ ഈതൈല്‍ അമീന്‍ എന്ന രാസവസ്തു ആണെന്ന്.............അതറിഞപ്പോള്‍ മുതല്‍ ഒരു സംശയം ‘എനിക്കെന്താ ഈ രാ‍സവസ്തു ഇല്ലേ??’ ഒരിക്കലും ആരോടും പ്രണയം തോന്നാത്തതു കൊണ്ടാകാം........

അടുത്ത ദിവസം ഡോക്ടറെ ഒന്നു കാണണം... എന്തിനാണെന്നോ????
രഹസ്യമാ‍ണ് .....

ആരോടും പറയല്ലേ !!!!!!!

ആ രാസവസ്തു ഒന്നു കുത്തിവയ്പ്പിക്കാനാണേ----------

അങനെയെങ്കിലും ഞാനൊന്നു പ്രേമിച്ചു തുടങട്ടെ!!!!!!!!!!!