കലാലയ ദിനങ്ങള്‍ (നളകല)

കഴിക്കാനുള്ളത് ഞങ്ങള്‍ തന്നെ ആയിരിന്നു ഉണ്ടാക്കാറ്. കറികള്‍ക്ക് പേരുവേണമെന്നുള്ള നിര്‍ബന്ധമൊന്നും ഞങ്ങള്‍ക്കുണ്ടായിരുന്നില്ല....എന്തിനാ മോനെ വാശി??.ഉണ്ടാക്കികഴിഞ്ഞാലും പേരു ഇടാമല്ലോ??രാവിലെ ഉപ്പുമാ (ഉപ്പില്ലാതെയും മാ ഉണ്ടാക്കും)എന്നൊക്കെ പറയാവുന്ന സാധനമായിരിക്കും ഡെയിലി.രാ‍വിലെ എണീറ്റു കഴിഞ്ഞാല്‍ 8.30 നു മുന്‍പായി ഫുഡ് ഉണ്ടാക്കനുള്ള പരിശ്രമങ്ങളാണ്.S M T കൊച്ചുങ്ങളെ വഴി തെറ്റാതെ സ്കൂളില്‍ കൊണ്ടു വിടാനുള്ളതാണേ.........

കിച്ചന്‍ ,നാസയെ വെല്ലുന്ന പരീക്ഷണ ശാലയാ‍ണ്.എന്തെല്ലാം കണ്ടു പിടുത്തങ്ങള്‍..ഒരിക്കലുണ്ടാക്കിയത് പിന്നെ ഉണ്ടാക്കനുള്ള വിരസതകൊണ്ടും കുറിപ്പ് എഴുതിയെടുക്കാനുള്ള മടി കൊണ്ടും പേറ്റന്റൊന്നും എടുക്കാന്‍ പറ്റിയില്ല..അല്ലെങ്കില്‍ കാണാമായിരിന്നു...

ഉച്ചഭക്ഷണ സമയത്ത് ക്ലാസ്സില്‍ ടി.വിയില്‍ കാണുന്ന അമേരിക്കയും ഇറാഖും തമ്മിലുള്ള യുദ്ധത്തില്‍ പോലും കാണാന്‍ കഴിയാത്ത തരത്തിലുള്ള അറ്റാക്ക് ആണ് ഓരോ പാത്രം തുറക്കുബോഴും...കണ്ണടച്ച് തുറക്കും മുന്‍പെ എല്ലാം അവസാനിച്ചിരിക്കും..എന്താണ് പാത്രത്തില്‍ ഉണ്ടായിരുന്നത് എന്നറിയാന്‍ കൊണ്ടുവന്നയാള്‍ക്ക് പോലും അറിയാന്‍ പറ്റാത്ത തരത്തിലുള്ള അറ്റാക്ക്..ആ അറ്റാക്കില്‍ മുന്‍പില്‍ എപ്പോഴും ഞങ്ങള്‍ തന്നെ.

കറിയുടെ രുചിക്കൂടുതല്‍ കൊണ്ട് ഞങ്ങളുടെ പാത്രത്തിനു മുന്‍പില്‍ അവരൊന്നും ആ നാട്ടുകാരെ അല്ല എന്ന പ്രതീതി ആയിരിന്നു..ആ‍ രുചിക്കൂടുതലിന്റെ രഹസ്യവും ഈ അറ്റാക്ക് ആയിരിന്നു!!!!!ചുമ്മാ‍!!!!

ഞങ്ങള്‍ പാചകത്തില്‍ നളനെ വെല്ലുന്നവര്‍ ആണല്ലോ???

കൈരളി ചാനലിലെ റിയാലിറ്റി കുക്കറി ഷോ ആ സമയത്തു വല്ലതുമായിരുന്നെങ്കില്‍ ഗപ്പൊക്കെ എവിടെയിരിക്കേണ്ടതായിരിന്നു!!!!!!

വൈകുന്നേരത്തെ പുട്ടടി മേപ്പാടത്തുള്ള 5 * കള്ളുകടയിലായിരിന്നു.നല്ല കപ്പയും കറികളും ഉണ്ടാവും, പിന്നെ ചിലവ് ചുരുക്കലിന്റെ ഒരു ഭാഗമായിട്ടായിരിന്നു ഈ ഉദ്യമം(തെറ്റിദ്ധരിക്കല്ലേ???)അവിടെ ഫുഡ് ഐറ്റംസ് ഒന്നുമില്ലെ‍ങ്കില്‍ അടുത്തുള്ള തട്ടുകട തന്നെ ശരണം..പൊറോട്ട,ചപ്പാത്തി,ദോശ,മുട്ട കൊണ്ടുള്ള കലാ പരിപാടികള്‍ & ഇറച്ചിക്കറിയുടെ ഗ്രേവി ഇതാണ് അവിടെ കിട്ടുക.. ചപ്പാത്തി 2 എണ്ണമേ വാങ്ങിക്കുള്ളുവെങ്കില്ലും ഈ ഗ്രേവി 3 , 4 തവണ വാങ്ങിക്കും.അത് എടുക്കുബോള്‍ അതില്‍ ആ ചേട്ടന്‍ അറിയാതെ പെട്ടു പോകുന്ന ഇറച്ചി കഷണങ്ങള്‍ തന്നെ നമ്മുടെ പ്രധാന ലക്ഷ്യം..

ഇപ്പോള്‍ ചെറിയൊരു സംശയം തോന്നായ്കയില്ല..

ചേട്ടന്‍ നായക്ക് എല്ല് കഷണം ഇട്ടു കൊടുത്ത് ആകര്‍ഷിക്കുന്നതു പോ‍ലെയുള്ള ആകര്‍ഷണ പരിപാടി വല്ലതും നടത്തിയതായിരുന്നോ ആവോ??